Marrazketa eskola

Bilboko Berreginen Museoa berebiziko aukera eskaintzen du artearen hainbat alderdi ikasteko eta irakasteko. Era guztietako ikusleei irekita, 70 urte baino gehiago daramatza hezkuntza erreferente izaten marrazkigileentzat. Museoak duen berreginen bilduma bikaina tresna ezin egokiagoa da naturaletik marrazteko teknika praktikatzeko, eta ere berean, anatomia artistikoa ere bai.

Eskola

Berreginen Museoko marrazketa eskolak naturalaren bizitasuna harrapatu eta irudikatzeko aukera ematen die ikasleei, marrazketa eta pinturaren bitartez. Horretarako, hainbat alderdi jorratzen dira ikasturtean zehar: giza figura zirriborratzea, egokitasuna, konposizioa eta proportzioak zainduz; marrazketaren material eta prozedura berezkoak, eta hura integratzeko eta praktikoki aplikatzeko bidea ematen duten gailu eta erremintak. Modu berean, argi-ilunekin ereduak aztertzen irakasten da, eta haien irudikapenaren gauzatzea balioztatzen, tonu eta argi-ilunen ikuspegitik, orbana erabiliz marrazkiaren alderdi plastikora hurbiltzeko. Azkenik, kolorearen teoria ere ezagutarazten da, gero ezaguera hori aplikazioa plastikoa izan dezan margolaritza-teknika ezberdinen bidez.

Konpetentzia hauen jabekuntza hiru hiruhilekotan banatuta dago. Lehenengoan, ikasleek batez ere giza irudia marraztuz trebatzen dira naturaletik marrazten. Irakasleak oinarrizko tresnak eta ezagutza emango dizkie gai izan daitezen egokitze teknikak, itzaleztadura bidezko bolumen lanak eta abar burutzeko, teknika lehorrak erabiliz, esate baterako arkatza, ikatza eta sangina. Giza figura ere lantzen da, azpimarra jarriz haren anatomiaren irudikapenean garapen grafiko ezberdinen bitartez: marrazki konstruktiboak, ingeradazkoak...

Bigarren hiruhilekoan, naturaletiko marrazketan sakontzen da, kasu honetan teknika hezeak erabilita (tintak eta akuarela), eta eurak erabiltzeko behar diren oinarriak ikasiz. Hiruhilekoa osatzeko, kolorearen teoriaren erabilera ikasiko dute, eta pastelaz pintatzeko teknikaren hastapenak ere emango zaizkie ikertzen has daitezen.

Hirugarren hiruhilekoan margolaritza teknikei jartzen zaie arreta, beti ere naturaletik marraztetik abiatuta. Oleoa eta akrilikoa erabiltzen hasteko teknika nagusiak ikasten dira (enpastea, lausodura, degradatua...), hala nola teknika bi horien arteko alderik nabarmenenak.

Ikastaroaren osagarri, eta ikasleei hezkuntza esperientzia osoagoa eskaintzearren, gidari eta hezitzaile profesionalen eskutik irteerak egiten dira unean-unean Bilboko panorama artistikoak eskaintzen dituen erakusketetara.

Gehiago irakurtzeko →
Marrazketa eskola

Irakaslea


Irakaslea

2011.etik, Beatriz Apariciok ematen ditu Marrazketa Eskolako klaseak.

Arte Ederretan lizentziaduna da Beatriz, UPV-EHUn, eta Deustuko Unibertsitateko hezitzailea marrazkigintzan, sorkuntzan eta Visual Thinking-en. Euskal Akuarelisten Elkarteko kidea ere bada, eta 2017.etik bertako tailerren irakaskuntza taldekoa.

Marrazkigintzari ikuspegi zabalaz ekiten dio Beatrizek, eta horrexek bultzatzen dio haren alor guztiak etengabe esploratzera, bai ikuspegi pertsonaletik, bai ikerketa taldeetan parte hartuz. Gainera, "Dibujatolrato" naturaletiko marrazkigintzako talde irekiaren sustatzaileetako bat da, marraztea errealitatea ulertzeko eta komunikatzeko tresna gisa aldarrikatzen duen taldea.