Bilboko Berreginen Museoak Marrazketa eta Pintura online eskolak eskainiko ditu dohainik, apirilaren 1etik aurrera
Bizkaiko erakundeak gai horiei buruzko ikastaroak eskaintzen ditu ikasturtean zehar bere instalazioetan. Orain, aurrez aurre egin ezin direnez eta berrogeialdirako entretenimendu zerbitzu gisa, online ikasgela sortzea erabaki du
Doako eskolak astean behin argitaratuko dira, eta hainbat azalpen izango dituzte; online plataforma baten bidez ikusi ahal izango dira
Beatriz Aparicio izango da irakaslea, eta interesa duen orok irekita izango ditu eskolak
Ikasleek Berreginen Museora bidali ahal izango dituzte etxean egindako praktikak
Bilboko Berreginen Museoko Marrazketa eta Pintura eskolak artearen esparruan erreferente dira duela zenbait urtetatik. Bizkaiko erakundeak aurrez aurreko ikasturte osoko prestakuntza eskaintzen du, eta, horretarako, izena eman behar izaten da.
Orain, jarduera hau museoaren instalazioetan egin ezin denez eta konfinamendurako entretenimendu zerbitzu gisa, Berreginen Museoak erabaki du Marrazketa eta Pinturako doako ikastaro bat eskaintzea, interesa duen orori irekia; parte hartzeko, ez dago izena eman beharrik.
Eskolak astean behin argitaratuko dira web plataforma batean. Horietan, Beatriz Aparicio irakaslearen hainbat azalpen egongo dira ikusgai.
Lehen eskola apirilaren 1ean argitaratuko da, eta, hasteko, koloreari buruzko azalpen bat egongo da. Zati teorikoaren ondoren, Beatriz Aparicio artistak ikasleei praktika bat proposatuko die, eta ikasleek etxean egin eta Berreginen Museora bidali ahal izango dituzte beren lanak.
Erakundeak apirilerako programatu ditu saio hauek; horrenbestez, hainbat teknika eta kontzeptu ikasi ahal izango dituzte ikasleek, 4 eskola teoriko horiek eta proposatutako praktikak baliatuta.
Online Marrazketa eta Pintura eskoletara sartzeko, nahikoa da ondorengo estekan klik egitea: Eusk. https://spark.adobe.com/page/8ZZoRgnGJYHYt/ Gazt. https://spark.adobe.com/page/uCNWXAB5Brdoc/
Ikasleek lanak Berreginen Museora bidali nahi badituzte, Itziar Martijari bidali ahal izango dizkiote, helbide honetara: Itziar.martija@bbmuseoak.eus
Ekimenaren xedea da jendea entretenitzea, ikasketaren bidez. Aukera paregabea da marrazketan eta pinturan murgiltzeko, etxetik eta oso era errazean.
Marrazketa eta pintura eskolak, klik batera!