Hitzaldia

Bizkaiko erakundearen festara gonbidatuta daudenek modu desberdin batean gozatuko ahalko dute "20 gorputz 20 artista" aldi baterako erakusketaz, Miren Agur Meaberen eta Asun Martínez de Ezketaren poemekin

Parte hartzeko, erreserba egin behar da aldez aurretik 94 415 02 31 telefonoan

Jarduera, beste batzuetan ere antolatu izan dena, Covid-19ak eskatzen dituen osasun arauetara egokitu da.

Bilboko Berreginen Museoak Mariaren Bihotzaren Eliza Zaharrean ateak ireki zituenetik, Bizkaiko Foru Aldundiaren eta Bilboko Udalaren babesarekin. Orain, urteurrena ospatzeko, Bizkaiko erakundeak oso ekitaldi berezia antolatu du. Museoa kandelen argiarekin bakarrik argituko da azaroaren 21ean, 18:00etan (euskaraz) eta 19:00etan (gaztelaniaz), gonbidatuek espazio honetaz goza dezaten sekula ikusi gabeko moduan. Covid-19a dela-eta gaur egun gauden osasun egoeran egonik ere, Museoak data ospatzea erabaki du, jarduera egokituz gaur egungo araudia bere osotasunean betetzeko.

Bisita berezi honetan, zeinak osasun arauak bermatzeko konferentzia formatua izango baitu, bertaratutakoek hurbiletik ezagutu ahal izango dute erakundearen aldi baterako erakusketa berria: "20 gorputz 20 artista". Erakusketa osatzen duten piezak perspektiba erabat diferente batetik ikusiko dira; izan ere, dozenaka kandelak argiztatuta egongo dira, eta orain arte aurkitu gabeko ikuspegiak emango dizkie horrek. Era berean, Miren Agur Meabe idazleak eta Itziar Martija museoko teknikariak Meaberen poemak irakurriko dituzte euskarazko emanaldian eta Asun Martínez Ezketarenak gaztelaniazko txandan.

Hala, euskarazko bertsioarekin hasiko da jardunaldia, erakundeak Euskaraldiari laguntzeko egiten duen jarduera gisa.

Doako jarduera horretan parte hartzeko, izena eman beharko da aldez aurretik, 94 415 02 31 telefonora deituta. 

Hamalau urte hauetan, Bilboko Berreginen Museoa gero eta gehiago zabalduz joan da erakusketen eta jardueren programa. Gaur egun, bere ekitaldi-agenda zabalagatik nabarmentzen da Bizkaiko erakundea. Erakusketa iraunkorra osatzen duten eskultura klasikoen kopiak, aldi baterako erakusketa askotarikoak, Swing Museoan eta Artelana Bere Testuinguruan jarduera arrakastatsuak... Horiek denek kulturaren erreferentziazko toki bihurtu dute Bizkaian. Museo honetan, alderdi klasikoak, erakundea irudikatzen duenak, bat egin du eskualdeko multikulturalitate etniko propioarekin, eta horrek eremu bateratu asko lantzeko modua eman du.

Museoak urte hauetan aurrerakada eta indar handiak hartu baditu Bilboko San Frantzisko auzoan; hori publikoari esker izan da, etengabe museoa babestu baitu, baita Covid-19ak eragindako une zail hauetan ere. Hori dela eta, erakundeak, urtebetetze berezi hau antolatuta, eskerrak eman nahi dizkie hamalau urte hauetan egoitzatik pasatu diren guztiei. Toki honetan, urtero egin ohi diren erakusketez gain, jarduera propioak izaten dira, eta ehunka ekitaldi antolatzen dira; horietako asko estu lotuta daude erakundea dagoen auzoko bizitzarekin. Eliza San Frantziskon eta Bilbo Zaharrean antolaturiko kultur lehiaketa gehienen egoitza ere izan da: Bilbo Zaharra, kulturarako zubia, zeinaren ekitaldirik jendetsuena Tattoo Adicts izan baitzen; BAD, Zinegoak, Caostica edo/eta Fair Saturday.

Bestalde, museoak beti ditu irekita bere ateak hiriko eta lurraldeko bizimodu kulturalera. Hala, askotariko aurkezpenak jaso izan ditu, hala nola liburuenak, moda erakusketenak, filmaketa zinematografikoak, hitzaldiak, eta abar.

Beste behin, Bilboko Berreginen Museoak bisitarien erantzun baikorra espero du, eta urteurrenaz gozatzera animatzen ditu.

'Kandelen argipean' bisitaren fitxa teknikoa:

Eguna: Azaroak 21

Ordua: 18:00 (euskaraz) / 19.00 (gaztelaniaz)

Lekua: Bilboko Berreginen Museoa

Prezioa: Doan

Alde aurretik izena emateko: 94 415 02 31