Bilboko Berreginen Museoa

Ikastaroa

Ekainaren 9tik 16ra bitartean matrikula egiteko, ezinbestekoa izango da Museoaren webgunean oinarriekin batera dagoen inprimakia betetzea: www.bilbokoberreginenmuseoa.eus

Hiri-ikuspegiko ikastarorako epea zabalik dago oraindik

Plaza-kopuru mugatua dago (gehienez 25 pertsona, gelako eta asteko)

Hiru asteetako bakoitzean, gai bat landuko da: estatuen modelatua, marrazketa naturala eta hiri-perspektiba

Parte-hartzaileek prestakuntzako aste bat, bi edo hiru egin ahal izango dituzte

Bilboko Berreginen Museoak beti izaten du programazioan lekua artearen alorreko prestakuntzarako, eta, beste urte batez, marrazketa eta pinturako ikastaro trinkoa emango du, uztailean.

Matrikula digitalki egin ahal izango da ekainaren 9tik 16ra (uztailaren 12ra arte, hiri-perspektibako ikastarorako), Bizkaiko erakundearen webgunean (www.bilbokoberreginenmuseoa.eus). Onartutako ikasleen behin-behineko zerrenda ekainaren 17an argitaratuko da. Onartutako ikasleek ekainaren 21etik 23ra bitartean aurkeztu beharko dute dokumentazioa eta matrikula formalizatu, helbide elektroniko honen bidez: info@bilbokoberreginenmuseoa.eus. Ekainaren 28an, behin betiko zerrendak aterako dira.

Programa hiru bloketan bereizita egongo da. Lehen astean, uztailaren 5etik 8ra (biak barne), estatuen modelatua landuko da. Bigarrenean, uztailaren 11tik 15era (biak barne), marrazketa naturalean izango da gaia. Azkenik, uztailaren 18tik 22ra (biak barne), hiri-perspektiba landuko da. Horrela amaituko da hiru asteko ikastaroa.

Ikastaro trinkoan, aste bat, bi edo hirurak egin ahal izango dira. Aste bateko prestakuntzak 150 € balioko du (lehena eta azkena 20 ordukoak dira; bigarrena, berriz, 17,5 ordukoa). Bi asterako izena emanez gero (37,5 ordu edo 40 ordu), kostua bera izango da: 210 €. Azkenik, ikastaro osorako izena emanez gero, hau da, 3 asterako (57,5 ordu), prezioa 300 €-koa izango da.

Matrikula, online

Ikastaroetan parte hartzeko, ezinbestekoa eta nahitaezkoa izango da matrikula Bilboko Berreginen Museoaren webgunearen bidez egitea (www.bilbokoberreginenmuseoa.eus). Bertan, izena emateko inprimakia eta ikastaroaren oinarri osoak egongo dira. Izena emateko modalitate hori erabiliko da dokumentuak in situ ez maneiatzeko. Norbaitek ez badu ordenagailurik bere etxean, aurretiazko hitzordua eska dezake 94 679 02 55 telefonora deituta museoaren ordutegian, eta, hala, zeregin horretarako museoan egongo den ordenagailu batean egin ahal izango du matrikula.

Garrantzitsua da gogoraraztea gehienez ere 25 pertsonarentzako lekua dagoela, asteko eta gelako.

“Estatuen modelatua”

Uztailaren 5etik 8ra.

09:30etik 14:00etara

Asteartetik ostiralera.

“Marrazketa naturalean”

Uztailaren 11tik 15era.

10:00etatik 13:30era

Astelehenetik ostiralera.

“Hiri-perspektiba”

Uztailaren 18tik 22ra.

09:30etik 13:30era