Ekimena

Bilbao basque FEST:

euskal kulturaren hitzordu handia

 

Bost egun Bilborekin eta euskal kulturarekin maitemintzeko. Aste Santu honetan Bilbao basque FEST

iritsiko da Bilbora, adin eta gustu guztientzako 200 jarduera baino gehiagorekin. Martxoaren 27tik 31ra,

jaialdiak 156 artista bilduko ditu kontzertuetan, dantzetan, bakarrizketetan eta kaleko ikuskizunetan, eta

erromerietan, kirol tradizionaleko erakustaldietan, dastatzeetan eta tailerretan gozatzera eta parte hartzera

gonbidatuko du publikoa, gure lurraldeko produktu onenekin.

 

2024ko edizioak euskarri berri bat estreinatuko du bere egitaraua zabaltzeko: QR kodea inprimatuta

duen txapa bat, ekitaldiari buruzko informazio guztia eta jaialdiaren egunez eguneko agenda zuzenean

eskuratu ahal izateko. Ekimenak jasangarritasunaren aldeko apustua egiten du, materialen erabilera

zentzuzkoagoa eginez eta gaur egungo joera digitaletara moldatuz, horietan gailu mugikorrak baitira

nagusi. Gainera, beharrezkoa denean programa berehala eguneratzen dela bermatzeko modu bat da.

Sei dira ohiko gaiak: Gourmet, Kultura, Musika, Market, Zinema eta Sport. Baina, aurtengo jaialdian

emakumezkoen talentua eta sortu berri diren taldeak izango dira ardatz nagusiak, eta horiei ohiko

proposamenak gehituko zaizkie: kalejirak, dantzaldiak, “anfitrioien” ibilbide antzeztuak, Itsasertzeko

itsasaldiak Mirentxurekin eta Begotxurekin…

 

Haurren programazioa ere indartu egin da aurtengo Bilbao basque FESTen. Casilda Iturrizar parkean

zirku-tailerrak eta antzerki-saioak egingo dira egunero; Zabalgune eraikinean, berriz, hainbat

magia-ikuskizun egingo dira. Haurrek ere bisita berezia izango dute: Gargantua ezagun eta dibertigarriarena,

Guggenheim Bilbao Museoko zabalgunean.

 

 

Bisitariak erakartzeko poloa

 

Hiriko ekitaldi honek Hiribilduaren dinamizazioa sustatzen du jaiegunetan, eta turistak eta bertakoak

erakartzen ditu bere eskaintza bereziarekin. Proiektu estrategiko honek jarduera sortu eta Bilboko merkataritza

babesten du, baita “hurbileko” merkatua ere, bere Gourmet Txokoan, euskal gastronomia bikainari

eta eskualde turistikoetako produktu erakargarriei balioa emateko gunea.

 

Euskal kulturaren jaialdirik handiena ez litzateke gauza bera izango zu gabe. Zain izango gaituzu!

 

 

 

bilbao basque FEST 2024: Kontzertu poetikoa Berreginen Museoan