Hitzaldia

Hitzaldia ostegunean, apirilaren 25ean, izango da, arratsaldeko 18:00etan, eta erakundearen aldi baterako erakusketa honetan oinarrituko da: “Ni neu, Isis, Señora de todas las tierras”

Itziar Martijak, erakusketaren komisarioak, eskainiko du hitzaldia

Parte hartzeko, doako sarrera bat eskuratu beharko da Museoko webgunearen bidez: www.bilbokoberreginenmuseoa.eus

Bilboko Berreginen Museoak, hilabete honetan ere, bere jarduera arrakastatsua aurkezten du: “Obra bere testuinguruan”.

Hainbat urtetan zehar eskainitako hitzaldi horien bidez, Itziar Martija teknikariak publikoari ezagutzera ematen dizkio Museoko bildumaren parte diren piezak zein erakundeak aldi baterako hartzen dituen erakusketak. Oraingoan, hitzaldiak hiru erliebe izango ditu ardatz, hain zuzen ere, erakundearen egungo aldi baterako “Ni neu, Isis, Señora de todas las tierras” erakusketaren parte direnak”. Horiek horrela, datozen hilabeteotan, hitzaldi honen bidez ezagutzera emango dira urrian inauguratutako erakusketaren xehetasun guztiak.

Erakusketa honen asmoa da, Egipto zaharraren ikuspegi polifazetiko batetik abiatuta, Euskal Museoaren eta Berreginen Museoaren bildumak bateratzea; horretarako, Niloko zibilizazioa antzinako Greziarekin lotzen duen hari gidari bati jarraituko diogu.

Erakusketa osoak Isis jainkosa izango du ardatz, eta erreprodukzioak zein Euskal Museoaren bildumako pieza egiptoar originalak jarriko ditu ikusgai.

Apirileko obra bere testuinguruan: Isisen alabak

“Ni Neu, Isis, Señora de Todas las Tierras” aldi baterako erakusketaren hariari jarraituz, apirileko “Obra bere testuinguruan” hitzaldiak “Isisen alabak” izenburua izango du. Generoen inbertsioaren ideian sakonduko da, emakumeek Egiptoko gizartean zuten papera hobeto ulertzeko. Mitoa oinarri hartuta, emakumeen eskutik beren egunerokotasuna ezagutuko dugu, Heriotzondora iritsi arte.

Mendebaldean, genero femeninoa erabili ohi dugu Ama Lurra edo Ama Natura bezalako printzipio sortzaile handiei erreferentzia egiteko. Antzinateko kultura ia guztiek ere berdin jokatu zuten. Ez, ordea, egiptoarrak: haientzat, lurra jainko maskulinoa zen, eta zerua emakumezkoa.

Generoen inbertsio hori giza-ikusmoldean eta birsorkuntza naturala zein heriotzondoko bizitza ulertzeko moduan ere islatu zen. Hala ere, kontzeptu abstraktuetan soilik ez, egiptoarren eguneroko bizitzan ere eragina izan zuen; horri esker, emakumeek beste kultura garaikide batzuetan zein ondorengoetan pentsaezinak ziren eskubideak eta askatasunak izan zituzten.

Ekimen honen bidez, Museoak berriz ere alternatiba abangoardistak eskaini nahi ditu ikasturte honetan; programazio zabala prestatu du horretarako, non hurbileko kulturan oinarritutako jarduerak gailenduko diren.

Alderdi horiek eta Berreginen Museoaren 2023-2024 programazioaren nobedade guztiekin lotutako beste kontu batzuk izango dira apirileko hitzaldian garatuko diren gaiak. Hitzordua apirilaren 25ean izango da, 18:00etan, Museoan bertan. Sarrera doakoa da, eta parte hartzeko nahitaezkoa izango da aldez aurretik sarrera bat eskuratzea Berreginen Museoko webgunearen bidez: www.bilbokoberreginenmuseoa.eus

Bizkaiko erakunde honek bere jarduera urtetsuenaren aldeko apustua egiten jarraitzen du. Izan ere, hamalau urte baino gehiago daramatza hilean behin erakundearen bilduma eta erakusketak gertutik aztertzen, eta dagoeneko hiriko kultur erreferenteetako batean bilakatu da.

Berreginen Museoa 2006ko azaroan ireki zen berriro, Mariaren Bihotza eliza zaharraren egoitzan, eta Bizkaiko hiriburuko zaharrenetakoa da. Duela 80 urte sortua, genero bereko museoen artean onenetakoa da, ikusgai dauden erreprodukzioen hautaketagatik eta kalitateagatik.

“Obra bere testuinguruan” ekimenak ez du inoiz huts egiten, eta ikuspuntu paregabea eskaintzen du Berreginen Museoaren bildumari buruz.