2024ko Abenduak 14
GAU IREKIA Berreginen Museoan
Gau Irekiaren hamahirugarren edizioa ospatuko da San Frantziskoko, Bilbo Zaharreko eta Zabalako hainbat gune, kale eta plazatan.
Abenduaren 14an, larunbata, Gau Irekia San Frantzisko, Bilbo Zaharra eta Zabalako kultur
jaialdi parte-hartzailearen hamahirugarren edizioa ospatuko dugu, Sarean Kultur Elkarteak
antolatuta.
Auzo Garaietako kultura-aberastasuna ospatzeari eskainitako jardunaldia izango da, modu
kolektiboan eratutako programa batekin, testuinguruko gizarte- eta kultura-eragileen
parte-hartzearen bitartez. Gau Irekian kaleak eta espazioak artez eta kulturaz betetzen dira
arratsaldetik gauera arte.
Hamabigarren edizioaren ondoren, Gau Irekia eguzkia erortzen denean itzultzen da, argiak
piztu eta Auzo Garaiak argiztatzen direnean. Gau Irekiak gure auzoen ezaugarri den energia
kolektiboaren ospakizuna izan nahi du, non bizilagunak elkarrekin bizitza hobetzeko eta
lankidetza-sare berriak eraikitzeko antolatzen diren. Edizio berri honek gure testuinguruan
atsedenik gabe ehuntzen diren egiturak nabarmendu nahi ditu, kontaktutik eta ahalegin
partekatutik sortzen diren loturak. Mugimenduaren eta sarearen nozioetan oinarrituta, Gau
Irekia 2024 koreografia kolektiboa izatea nahi dugu, gure auzoetako loturak, kultura eta
aniztasuna ospatzeko. Gau Irekiaren edizio honetan ipurtargiak iluntasunean bezala distiratu
nahi dugu.
Programan 60 proposamen inguruk hartuko dute parte 50 espaziotan, besteak beste,
honako hauek: pieza eszenikoak, dantza, poesia-errezitaldiak, kontzertuak, ekintza
performatiboak, gaueko ibilbideak, esku-hartze artistiko parte-hartzaileak, irakurketak,
musika esperimentaleko saioak, ikustaldi musikalizatuak, instalazio murgiltzaileak, Kongoko
edo Palestinako genero-disidentziei buruzko solasaldiak, baxera komunitario bat elkarrekin
sortzeko topaketa eta haur txikiagoentzako proposamenak, besteak beste. Tokiko proiektu
eta espazioak ezagutzeko eta normalean ibiltzen ez garen txokoetan murgiltzeko aukera
paregabea.
Ikusi programa osoa www.gauirekia.com webgunean.
Kontaktua
Ane Rodríguez 635331542
Sandra Amutxastegi 629013524
gauirekia@sarean.info
Gau Irekia 2024ren irudiaren diseinua: Beatriz Sánchez
Gau Irekia Eusko Jaurlaritzak, Bizkaiko Foru Aldundiak eta Bilboko udakal finantzatutako
ekitaldia da.