Albisteak

Matrikula online nola egin azaltzen duten oharrak webgune honetan daude: www.bilbokoberreginenmuseoa.eus

Eskainiko diren 125 plaza horietatik 75 online egiteko utzi dira. Gainerako matrikulazioak beste urteetan bezala egin ahalko dira, museoan bertan

Pertsona bakoitzak matrikula bakarra egin ahalko du

Bilboko Berreginen Museoak aukera emango du, aurten berriro ere, marrazketa eta pintura ikasteko, 2019-2020 ikasturteko ikastaroetarako deialdi berri baten bitartez. Eskaintzen diren 175 plazetarako matrikula egiteko epea irailaren 17an jarriko da abian (goizeko 10:00etatik aurrera) eta irailaren 22an amaituko da (14:00etan).

Aurten, berrikuntza gisa, 125 plaza horietatik 75 online egin ahalko dira, Bilboko Berreginen Museoaren webgunean (www.bilbokoberreginenmuseoa.eus). Hainbat egun eta ordutegi daudenez Marrazki eta Pintura Ikastaroetarako eta lehentasun ordena finkatzeko, eskaeraren sarrera ordena errespetatuko da. Horretarako, eskaera bakoitzean eskatzaileak lehentasun zenbaki bat jarriko dio txanda bakoitzari, eta bost txandak hautatuko ditu.

Matrikula presentzialei dagokienez, eskaerak Berreginen Museoan bete beharko dira, hau da, San Frantzisko kaleko 14. zenbakian (Bilbo), asteartetik ostiralera, 10:00etatik 13:30era eta 16:00etatik 19:00etara.

Ikasturtean naturaren marrazketa, urmargoa, olioa eta bernizak eta akrilikoak landuko dira; beste hainbat alderdi ere landuko dira, hala nola marrazketa teknikak eta materialak eta sorkuntza proiektuak. Horrez gainera, beste zentro batzuetara sartzeko prestakuntza ere egingo da, esaterako, unibertsitatera eta arte eskoletara.

Marrazketa gustatzen zaion edonorentzat zein Arkitektura eta Arte Ederretako ikasleentzat dira egokiak ikastaroak, eta hiru hiruhilekotan banatuko dira:

Urriaren 1etik abenduaren 20ra

Urtarrilaren 7tik martxoaren 27ra

Martxoaren 31tik ekainaren 26ra

Txanda hauek eskainiko dira:

Astearte eta ostegunetan, 10:30etik 12:30era / Asteazken eta ostiraletan, 10:30etik 12:30era

Astearte eta ostegunetan, 16:00etatik 17:50era / Asteazken eta ostiraletan, 16:00etatik 17:50era

Astearte eta asteazkenetan, 18:10etik 20:00etara

Matrikularen prezioari dagokionez, 95 eurokoa izango da hiruhileko bat, 185 euro bi hiruhileko eta 280 euro hiru hiruhilekoko ikasturte osoa. Pentsiodunen, erretiratuen, aniztasun ugariko pertsonak, familia ugarien, langabeen eta ikasleen prezioak honako hauek dira: 65 euro, 130 euro eta 195 euro, hiruhileko bat, bi eta hiru, hurrenez hurren.

Zalantzarik izanez gero, telefonoz argituko dira 946790255 zenbakian eta Museoaren webgunean, eta webgune horretan bertan egongo da matrikula orria, taldeak eta matrikula online egiteko oharrak.

MATRIKULA: hemen

ONARRIAK: hemen